Një institucion në shërbim të dijes — nga fjala e shkruar te leksioni, kursi dhe audiolibri.
Instituti Germa është institucion kulturor e edukativo-arsimor, i cili vepron në fushën e botimeve, përkthimeve dhe përpilimit të veprave shkencore e edukative, si dhe në organizimin e kurseve të Kuranit dhe të gjuhëve të huaja, në përputhje me standardet profesionale e edukative.
Puna jonë nis te fjala e shkruar dhe shtrihet te leksioni, kursi e audiolibri. Çdo botim kalon nëpër përgatitje, përkthim dhe redaktim të kujdesshëm, që dija të arrijë e pastër te lexuesi shqiptar, kudo që ndodhet.
Kur Allahu ia do të mirën një robi, ia jep të kuptuarit e fesë.
Saktësi
Botime dhe përkthime të verifikuara, me përmbajtje të qartë e të besueshme.
Pedagogji
Metodologji bashkëkohore që e bën dijen të kapshme për çdo moshë.
Qasje
Libra, video dhe audio në disa gjuhë, të disponueshme kudo dhe kurdo.
Trashëgimi
Vepra që mbeten dhe i shërbejnë brezave, sot dhe nesër.
Hoxhë Jusuf Kastrati
Themelues & drejtor
Themelues dhe drejtor i Institutit Germa
Instituti Germa udhëhiqet nga Hoxhë Jusuf Kastrati, themelues dhe drejtor i institutit. Ai ka studiuar në Imam Muhammad ibn Saud Islamic University dhe aktualisht është në proces të doktoraturës në University of Ez-Zitouna, Tunisia — Higher Institute of Islamic Civilization.
Me përvojë të gjerë në fushën e arsimit islam dhe përkthimit, Hoxhë Jusufi ka përkthyer shumë libra me përmbajtje fetare dhe edukative, si dhe ka përgatitur kurse në gjuhën shqipe dhe gjermane — me theks të veçantë në mësimin e shkronjave të Kuranit dhe edukimin e brezit të ri me metoda të qarta dhe bashkëkohore.
Regjistrohuni në kurset tona, porosisni botimet apo na shkruani për çdo bashkëpunim. Jemi këtu për ta ndarë dijen me ju.
